|
  
|
2012 新年快樂 !
新年快樂 !!!! 祝大家身體健康 ! 心想事成 ! 龍年行大運 ! 日日都咁開心 !
好似好耐冇報告下金金既近況了...放假前學校攪左個華服日，金金話要扮春麗..買左件中國衫同佢set埋個頭加對貓耳仔..好攪笑..佢比我一個 "LIKE" 
放假幾日..成日都賣口乖話好開心..因為有mami陪佢玩...仲有同佢去街..真係好鐘意mami喎
...有日落毛毛雨去朋友家拜年..佢話要帶埋公主同公主屋去玩...我一個人拖住佢+攞住兩把傘+佢一大袋玩具...十分狼狽..上到車我話: 以後你要帶咁多野唔該自己攞住
...牙尖咀利既佢話 " 你以前都好鍚我架..依家唔錫我了咩.." 尼個時候附近既人都望住我..
(真係好驚比人拍上網架) 我唯有即時補飛.." 叫你依家攞住一陣先...落車我同你攞丫ma......" (落車你就知味道
)
前晚冇lala 話肚痛...好辛苦咁叫 : mami ...我真係好肚痛丫...你快d同我搽d牛油la....
真係笑史我....唔講唔知牛油有咁多功能 kakaka...
校園生日會小食 -- 石板街曲奇
終於抽到少少時間update下個blog了....尼期真係超超超忙...岩岩奶奶同姑仔黎左香港一個月，每逄週末都帶佢地周圍去玩...公司方面少左一個同事，工作上相對又忙左少少...上星期尾奶奶返左韓國..諗住返屋企即訓幾個鐘嘆下la...點知金金話"mami你唔好訓住la...你整埋我個生日會小食先la...." 真係想hae幾個鐘都咁難..最後天係心軟同佢開工la...打開書...佢就點菜咁話..尼個la...我d同學仔好鐘意食曲奇架...
dick起心肝努力完成左尼個石板街曲奇，出黎效果好靚仔丫..好開心，到左第二日生日會完左金金即話我聽同學仔好鐘意話好好味 ..chloe又即擦鞋...姑姑你整d cookie我都有食丫..好好味..haha..唔知兩隻野真定假，但都氹得我幾開心既..攰d都值得la 
再黎Dancing Show
又有機會表演了..可惜今日我要返工去唔到，但就換黎麻麻 , 姑姐 , 姨婆 , Appa , wing姨媽 , 舅父 , 舅母 ..表妹捧場...所以我非常放心
，因為有咁多人捧佢場，一定好開心
抽獎記..
尼期OK有抽獎..見到果SET Toy Story碟真係好靚..勁鍾意丫 ! 晚晚同金金返屋企時經過都會入去買野抽下獎... 抽十次都抽唔中！尋日係last day了 ~~ 要再博一個尾彩..點知我地真係咁冇抽獎運..都係唔中 ! 金金好失望丫..好可憐咁話「求你比我抽多次啦..
泡菜運動日
又到左一年一度既運動日了，今年選址錦田俱樂部，我地都係第一次黎，地方好大最岩一大班人攪活動了，除左金先生公司仲聯合另外兩間一齊攪，當日真係好熱鬧丫!
一到步金金好似公主病咁話好嗅....因為入去條路好多狗C 中午時段比較曬，係小朋友組別活動時..金金唔想玩..鄒起眉頭話好曬..HAHHAHAHA 可惜比APPA 捉左佢去玩
尼個環節分左兩隊..要鬥快接力咁去傳波，最快果組勝出有獎品了
兩父女雞手鴨腳...終於完成 ! 我地藍組勝出..kiki 金金收到獎品時有番d動力了
轉個頭又走左去檔仔做手工...見到公主一定唔放過了...都油得幾好
開餐了...齊齊燒野食，唔聽話既金金係都要扭去隔離既公園玩，攪到我食得唔夠盡慶 ~ 可惡
最後敵唔過佢既超煩音，帶左佢去玩了...佢係草地上走黎走去..就好似一隻好耐冇出街既小狗
熱身一輪...又過左最曬既時段，金金充滿力量了
金小姐突然又話想玩風爭，我話我唔識架喎...Appa又同朋友吹緊水...心諗買左都係當紙飛機咁飛下架咋..
誰知.....我地好合拍丫..我教佢揸住個線輥..一陣mami飛起隻風爭時就向後跑丫...試左幾次我地成功了 !!! hahaha..太有意思..係我同金金既第一次 ! 終於成功 ! 好有滿足感丫 ~~
kiki...交足戲....玩到咁上下時...又出事了....金小姐突然話想去pee pee丫...
.....隻風爭當時飛到好高..點算丫...我問佢忍唔忍到...佢氹住腳話忍到 ! 最後.....我決定一路行去toliet一路收番隻風爭...眼睇好似好快...但唔知點解收極都收唔完咁 好無助丫 !!! 好彩..最後都去左了
仲未攰...又話要玩尼個遊樂場..大嬸話 $20/10分鐘...佢太精靈了..無一個小朋友可以玩多過1min..hahahaha !
埋位了..又開始比賽...先黎小朋友組...我地藍組好強丫..又係我地勝出 kikikiki....又有獎品了...
睇下成人組幾落力...有位lady仲唔小心玩甩骹 要call白車
重點環節黎了...大抽獎....先係大獎....e..點解冇人出黎攞獎?? 人係邊丫......e....地下有人舉手喎...hahaha...原來頭獎得主就係甩骹等緊白車果位lady丫...大家都哈哈大笑...真係好彩定唔好彩呢..
笑完人最後我地一個細獎都抽唔到丫 ! 嗚嗚嗚... 
日式和果子 蕃薯燒 (附上食譜)
.jpg)
天氣涼左係唔係特別想食蕃薯 / 栗子 / 粟米架尼? 買左d日本蕃蕃學人整蕃薯燒，又幾得意架喎...又容易做，加左蛋黃、牛奶同牛油，焗出黎個質感真係好得意，唔覺唔覺都食左5個
食譜參照 Miss Jubie : http://blog.yahoo.com/_UIUDWFKGUHW63SAACN5V5N7ABA/articles/130714
韓式拌麵 ( 비빔국수 ) 附上食譜
最近瘋狂整包包..曲奇..好似有D忽略左韓國菜，尋日金先生放假就整D新野佢試，睇書學做韓式拌麵，平時去韓國餐廳最鐘意就係食拌麵架了..原來自己做一d都唔難的，金先生嘗了一口....跟著我催促他評分 ( 其實我還沒試味，都不能確定是否可以食用 ) 佢給了80分.. 說太辣了，還有醬汁可以再稀釋一點 ! 事後..我回想起...食譜一定沒錯的，原來我跟食譜的醬汁份量拌了一份麵....hahahaha...大家記得...以下食譜是做2人份量的啊 ! 那就沒錯了
是日早餐 -- 迷理腸仔包
對我黎講腸仔包好有特別意思..因為當時係我第一款手搓成功既包包...果刻開心到彈起..就果日起無時無刻都搓麵粉..早又搓晚又搓..最後金先生送我一部麵包機.. 暫時仲未3分鐘熱度..haha...仍然熱愛烘焙..，尋晚做左腸仔包...見到金先生同金小姐食得咁開心真係好有滿足感....或許尼個就係我熱愛整野食既動力了
食譜: http://saya_sabika_kr.mysinablog.com/index.php?op=ViewArticle&articleId=2447905
校園生日會小食篇 -- 啫喱糖
登~登~登~ 今個生日月既小食係啫喱糖 kiki...係金金要求的，唔係我懶，但Anyway..小朋友party必備既 ^^ 我又慳番d功夫
全港幼稚園啦啦隊初賽
金金第一次外出表演，雖然係學校練習時間有限，但大家都好勇敢好叻丫...金金果朝好開心..因為有老師同佢化妝同set 頭 又有MAMI 同 APPA到場支持..好開心 !
我地學校抽到最後出場..等了很久加上藥力發作關系..我地金金狀態開始回落了...HAHA...慢了半拍.. 不過記得到舞步同走位已經好叻女，表演完結後..上車食左份茶點就攰到訓著左了....
Buttermilk Biscuits (附上食譜)
最近睇左好多外國教整野食既節目，間中會聽到佢地提及Buttermilk，究竟係乜東東? 原來Buttermilk係外國非常流行普遍，中文名"白脫牛奶"，一般用作Pancake，muffin..scone..泡芙..麵包..仲有醃雞都用得上，加左白脫牛奶會比一般牛奶更加膨鬆柔軟 ! 係咪講到好似萬能咁尼? 大家可以係大型超市奶類部望望...寫住buttermilk的就係了 ~
仲有個好消息話比大家知~ 其實Buttermilk仲可以自己做架 非常非常簡單 : 1杯鮮奶加入1茶匙檸檬汁攪勻，靜置5分鐘後即完成。依家等我先推介尼個Buttermilk Biscuits 既食譜比大家先啦 ^^
<內文附上食譜>
(閱讀全文)
..不過冇灰心...從頭再做一次，終於比我成功做到了 ! 不過點解馬卡龍咁甜架....睇左廿幾個食譜都係差唔多成份，有冇食譜係冇咁甜架?? 自己減糖份得唔得架尼?? 不過聽過好多餅友都係話macarons係好甜的..因為主要成份係糖霜同砂糖..唔甜先奇lu 
